တောင်သမန်အင်းကိုဖြတ်၍ တည်ဆောက်ထားသော သမိုင်း၀င်တံတားကြီးကို တောင်သမန်တံ တားဟု မခေါ်ကြဘဲ တံတားဒါယကာ စာရေးတော်ကြီး ဦးပိန်နှင့်တွဲ၍ ဦးပိန်တံတားဟုသာ ခေါ်ကြ ပါသည်။ (တောင်သမန်ကိုလည်း အချို့က တောင်တမန်ဟုခေါ်သည်။) ပုဂံမင်းတရား လက်ထက် တော်တွင် မြို့၀န်ဘိုင်ဆပ်၏ မြို့စာရေးမှာ ဦးပိန်ဖြစ်သည်။ မြို့၀န်ဘိုင်ဆပ်အကြောင်းကို စာရေးသူ ရေးသည့် သမိုင်းသံသရာ စာအုပ်တွင် ” ပုဂံမင်းလက်ထက် မြို့၀န်ဘိုင်ဆပ်၏မျိုးရိုး ” ခေါင်းစဉ် ဖြင်ပါသည်။ ထိုဆောင်းပါး၏ အဓိက ဖော်ပြချက်မှာမြို့၀န်ဘိုင်ဆပ်သည် ပသီ(ယခုခေတ် ခေါ် အစ္စလာမ်ဘာသာ၀င်)ဖြစ်သော်လည်း အိန္ဒိယနိုင်ငံသား မဟုတ်၊ သူ၏မျိုးရိုးမှာ မဏိပူရ၊ ကူကီချင်း၊ ကသဲ(ကသည်း) စော်ဘွားမျိုးရိုးဖြစ်ပြီး ကသဲ(ကသည်း) စော်ဘွား” သနာဟံ “၏ ညီတော်စော် ဘွား ” ဇင်ကွဲတာပံ ”သည် မြို့၀န်ဘိုင်ဆပ်၏ အဘိုးအရင်းပင်ဖြစ်ကြောင်း၊ သူ၏ အမည်အရင်းမှာ ဘိုင်ဆပ် မဟုတ်ကြောင်း၊ ” ဆေရက်ခန် ” ခေါ်ကြောင်း၊ ”ဘိုင်” ဆိုသည်မှာ သူတို့ဘာသာ စကား အရ ”အစ်ကို”ဟု သဘောရ၍ “ဆပ်”ဆိုသည်မှာ”ဆရာ” ဟုသဘောရ ကြောင်း၊ သို့ဖြစ်၍ ”ဘိုင်ဆပ်” ဆိုသည်မှာ”အစ်ကိ်ုဆရာ”ဟု အဓိပ္ပာယ်ရသဖြင့် တမင်ပင် အထက်စီးဖြင့်ခေါ်စေခြင်း ဖြစ်ဟန်တူကြောင်း ရေး...